प्रिय सौ आज्जी आणि आजोबा,
आज तुमच्या लग्नाचा ६० वा वाढदिवस. ६० वर्ष हा खुप प्रदीर्घ काळ आहे.
एकमेकांना साथ देत, सांभाळत आयुष्याच्या या टप्प्यावर तुम्ही पोचला आहात.
जेव्हापासुन मी तुम्हाला कळत्या वयात पाहात आले आहे तेव्हापासुनच कळत नकळत खुप सुंदर संस्कार तुम्ही आमच्यावर केलेत. एकाच गावात राहात असल्यामुळे तुमचा मनसोक्त सहवास मिळाला. आमच्या सगळ्या उन्हाळी आणि दिवाळी सुट्ट्या तुमच्या सहवासात अनेक नवीन गोष्टी शिकत गेल्या. तुमच्या दोघांच्या दिनचर्येचा जरी विचार केला तरी त्यातुन खुप काही शिकलो आम्ही. पहाटे उठुन फिरणं, सडा रांगोळी, देवाची भांडी घासायची, प्यायचं पाणी भरायचं, मग अंघोळ, अजोबांची देवपुजा आणि आजीचा स्वयंपाक एकत्र आणि मग दोघांनी मिळुन गोड आवाजात महाराजांची पद म्हणणं . "सहजीवन" म्हणजे काय हे कुठेही लिहिलेलं पाठ करुन समजलं नसतं ते तुमच्या कृतीतुन आम्हाला समजलं.
अर्थात त्या वयात हे सगळं कळलं नव्हतं. पण आज मागे वळुन बघताना याचं महत्व जाणवतं.
१९६७ च्या भयानक कोयना भुकंपात घरदार सगळं मातीमोल झालेलं असताना सुद्धा पुन्हा कराड मधे येउन शून्यातुन सुरुवात करणं हे किती अवघड असेल. त्या भुकंपाच्या कथा लहानपणी मी अनेक वर्ष ऐकल्या , तुम्ही सगळे कसे छोट्याशा दरवाजातुन रांगत बाहेर आलात ई ई. तेव्हा ते थ्रिलींग वाटलं होतं ऐकायला. पण आज जेव्हा आम्ही पै पै जोडुन स्वतः च घर घेतलय तेव्हा मला कळतय की एका रात्रीत अचानक घर नाहीसं झाल्याचं दु:ख आणी वेदना काय असतील. पण त्यातुन सुद्दा तुम्ही एकमेकांच्या साथीने बाहेर पडलात.कराड मधे नवीन घर बांधलत.
तुमच्या घरी आलेला पाहुणा कधीही विन्मुख गेला नाही आणी अजुनही जात नाही. "अतिथी देवो भव" हे पुस्तकात नुसतं वाचुन कधी समजलच नसतं. तुमच्या सहवासात ते नकळत अंगी भिनलंय. कष्ट, सचोटी आणि प्रामाणिकपणा या गुणांच्या जोरावर बेतलेले तुमचे सहजीवन बघुन आम्हा पुढच्या सर्व पिढ्यांना तुम्ही उत्तम वागणुकीचा आदर्श घालुन दिलाय. तुमचं न बोलता व्यक्त होणारं एकमेकांवरचं प्रेम आणि आदर आम्हाला नेहेमीच तुमच्याकडे बघताना जाणवतो.
श्री रामराया तुम्हा दोघांना उदंड आणि आरोग्यमय आयुष्य देवो
आणि आम्हाला असाच तुमचा भरभरुन सहवास मिळो हीच त्याच्या चरणी प्रार्थना.
तुम्हा दोघाना ६० व्या वाढदिवसाच्या खुप खुप मनापासुन शुभेच्छा. __/\__
आज तुमच्या लग्नाचा ६० वा वाढदिवस. ६० वर्ष हा खुप प्रदीर्घ काळ आहे.
एकमेकांना साथ देत, सांभाळत आयुष्याच्या या टप्प्यावर तुम्ही पोचला आहात.
जेव्हापासुन मी तुम्हाला कळत्या वयात पाहात आले आहे तेव्हापासुनच कळत नकळत खुप सुंदर संस्कार तुम्ही आमच्यावर केलेत. एकाच गावात राहात असल्यामुळे तुमचा मनसोक्त सहवास मिळाला. आमच्या सगळ्या उन्हाळी आणि दिवाळी सुट्ट्या तुमच्या सहवासात अनेक नवीन गोष्टी शिकत गेल्या. तुमच्या दोघांच्या दिनचर्येचा जरी विचार केला तरी त्यातुन खुप काही शिकलो आम्ही. पहाटे उठुन फिरणं, सडा रांगोळी, देवाची भांडी घासायची, प्यायचं पाणी भरायचं, मग अंघोळ, अजोबांची देवपुजा आणि आजीचा स्वयंपाक एकत्र आणि मग दोघांनी मिळुन गोड आवाजात महाराजांची पद म्हणणं . "सहजीवन" म्हणजे काय हे कुठेही लिहिलेलं पाठ करुन समजलं नसतं ते तुमच्या कृतीतुन आम्हाला समजलं.
अर्थात त्या वयात हे सगळं कळलं नव्हतं. पण आज मागे वळुन बघताना याचं महत्व जाणवतं.
१९६७ च्या भयानक कोयना भुकंपात घरदार सगळं मातीमोल झालेलं असताना सुद्धा पुन्हा कराड मधे येउन शून्यातुन सुरुवात करणं हे किती अवघड असेल. त्या भुकंपाच्या कथा लहानपणी मी अनेक वर्ष ऐकल्या , तुम्ही सगळे कसे छोट्याशा दरवाजातुन रांगत बाहेर आलात ई ई. तेव्हा ते थ्रिलींग वाटलं होतं ऐकायला. पण आज जेव्हा आम्ही पै पै जोडुन स्वतः च घर घेतलय तेव्हा मला कळतय की एका रात्रीत अचानक घर नाहीसं झाल्याचं दु:ख आणी वेदना काय असतील. पण त्यातुन सुद्दा तुम्ही एकमेकांच्या साथीने बाहेर पडलात.कराड मधे नवीन घर बांधलत.
तुमच्या घरी आलेला पाहुणा कधीही विन्मुख गेला नाही आणी अजुनही जात नाही. "अतिथी देवो भव" हे पुस्तकात नुसतं वाचुन कधी समजलच नसतं. तुमच्या सहवासात ते नकळत अंगी भिनलंय. कष्ट, सचोटी आणि प्रामाणिकपणा या गुणांच्या जोरावर बेतलेले तुमचे सहजीवन बघुन आम्हा पुढच्या सर्व पिढ्यांना तुम्ही उत्तम वागणुकीचा आदर्श घालुन दिलाय. तुमचं न बोलता व्यक्त होणारं एकमेकांवरचं प्रेम आणि आदर आम्हाला नेहेमीच तुमच्याकडे बघताना जाणवतो.
श्री रामराया तुम्हा दोघांना उदंड आणि आरोग्यमय आयुष्य देवो
आणि आम्हाला असाच तुमचा भरभरुन सहवास मिळो हीच त्याच्या चरणी प्रार्थना.
तुम्हा दोघाना ६० व्या वाढदिवसाच्या खुप खुप मनापासुन शुभेच्छा. __/\__
