तेव्हा खास म्हणुन हा पदार्थ करुन बघितला...बच्चे भी खुश बच्चो की मम्मी भी खुश.
लेकीलाच मदतिला घेतलं...तिला पण खुप मज्जा आली करताना....
त्याची ही रेसिपी...
साहित्यः
बेसिक वॅनिला केक ( घरी केलेला किंवा विकतचा) मी ग्रीन बेकरी चा प्लम केक वापरला
मोर्डे कंपनीचे किंवा ईतर चॉकलेट बार ( मिल्क, व्हाईट, डार्क सगळे मिक्स )
पॉप स्टिक्स
डेकोरेशन चे साहित्य ( स्प्रिंकल्स, चॉकलेट शेविंग्ज, क्रश्ड नट्स)
कृती:
- प्रथम तयार केक चे तुकडे करुन मस्त चुरा करुन घ्या. हे लेकीने केले.तिला फार मज्जा आली.
- मावे मद्धे मिल्क आणि डार्क चॉकलेट विरघळुन घ्या आणि ते हळुहळु अंदाज घेत केक च्या चुर्यामद्धे मिसळा...गरज असेल तर थोडा दुधाचा हात लावुन घ्या....या मिश्रणाचे छोटे लाडु वळता आले पाहिजेत ईतपत घट्ट्/सैल करा
- आता या मिश्रणाचे छोटे छोटे लाडु वळुन घ्या आणि फ्रिज मद्धे ३० मि. साठी ठेवा ( फ्रिजर मद्धे नाही )
- तोवर आता दुसरीकडे ज्या रंगाचे पॉप्स बनवायचेत ते चॉकलेट वितळवुन घ्या.सजावटीचे सामान ई. तयार ठेवा.
- काही वेळाने यातील निम्मे गोळे/लाडु बाहेर काढा.वितळलेल्या चॉकलेट मद्धे पॉप स्टीक चे एक टोक बुडवुन घ्या आणि अलगद केक च्या लाडु मद्धे निम्म्यापर्यंत खुपसा..असे सगळे स्टीक करुन ते परत फ्रीज ला ठेवा...आणि उरलेले निम्मे बाहेर काढुन हीच कृती परत करा...असे केल्याने सगळे पॉपस व्यवस्थीत घट्ट राहतील नाहितर सगळ्या पॉपस ना स्टीक लावेपर्यंत सुरुवातीचे पॉप्स मऊ पडायला सुरुवात होईल.त्यामुळे बॅच प्रोसेसिंग महत्वाचे आहे :-)
- आता परत व्हाईट/मिल्क चॉकलेट वितळवुन घ्या.आधीची पॉप्स ची बॅच बाहेर काढुन घ्या. एक एक पॉप अलगद उचलुन चॉकलेट मद्धे घोळवा...जास्तीचे चॉकलेट बाउल च्या कडेवर अलगद टॅप करुन काढुन घ्या. आता लगेचच स्प्रिंकल्स इ इ त्यावर चिकटवा....हे लेकीने केले....:-)..तिच्यासाठी मस्त स्टार्स, हार्ट्स ई आणले होते मी...
- घरात थर्मोकॉल चा एखादा तुकडा असेल तर त्यात हे पॉप्स घुसवुन सुकायला ठेवा.
- अशाप्रकारे मस्त केक पॉपस बनवा आणि मस्त पार्टी करा...
टीप : पसारा बर्यापैकी होतो पण मजा पण येते करायला...पसारा आवरायला पोरांची मदत घ्या ;-)
आंतरजाल
No comments:
Post a Comment