*महिला दिन.... गाळलेल्या जागा*
घरकाम सणवार पै पाहुणे
मुलांच्या क्लास शाळा
घरीच तर असतेस दिवसभर....
इत्यादी इत्यादी
समसमान हक्क, निर्णयस्वातंत्र्य
महिलांचा आदर सन्मान
गुलाब पुष्पगुच्छ....
इत्यादी इत्यादी
चारचौघात मस्करी, चेष्टा
कायम सेकंड प्रायोरिटी
शेवटची पंगत बायकांची....
इत्यादी इत्यादी
फेसबुक, व्हाट्सअँप, इंस्टाग्राम
शुभेच्छांचा पूर
जागतिक महिला दिन....
इत्यादी इत्यादी
ऑफिस मध्ये लेडी बॉस ? नको
प्रमोशन ? तिला नकोच
तिला काय कळतंय ?....
इत्यादी इत्यादी
ती दया क्षमा शांती
ती अन्नपूर्णा,लक्ष्मी, सरस्वती
ती दुर्गा काली रणचंडी ....
इत्यादी इत्यादी
ती सीता, द्रौपदी, निर्भया
ती मीरा, राधा, अनुसूया
ती गार्गी, मैत्रेयी, शकुंतला....
इत्यादी इत्यादी
'व्यक्ती' म्हणून आदर
भावनिक आणि शारीरिक सुरक्षितता
महिला दिन सुफळ संपूर्ण....
इत्यादी इत्यादी
स्मिता श्रीपाद 8 मार्च 2023
No comments:
Post a Comment